سان فرانسسکو (ویب ڈیسک) سماجی رابطوں کی سب سے بڑی ویب سائیٹ فیس بک نے آخر کارصارفین کے مطالبے کے سامنے سر تسلیم خم کرتے ہوئے 'ڈس لائک' بٹن کی کمی پوری کر دی ہے۔ تفصیلات کے مطابق فیس بک کے بانی مارک زکر برگ کے اعلان کے عین مطابق فیس بک نے 'لائک' بٹن کے متبادل کے طور پر چھ نئے 'اموجی' جاری کر دیئے ہیں۔
یہ چھ مختلف 'اموجی' چھ طرح کی جذباتی کیفیات کو ظاہر کرتے ہیں جن میں ’ خوشی‘، ’غصہ‘، ’غم ‘،’ ہنسنا‘، ’پیار کا اظہار کرنا‘ اور ’ حیرت کا اظہار کرنا‘ شامل ہیں۔
اس نئے فیچر ایسے لوگوں کو متبادل مہیا کرنا ہے جو کسی حادثے یا سانحے سے متعلق خبر کو 'لائک' کرنا پسند نہیں کرتے۔ فیس بک کی طرف سے نئے 'اموجی' متعارف کروائے جانے کے بعد کمپنی نے انہیں مختلف ممالک کے صارفین کو مہیا کرنے کے عمل کا بھی آغاز کر دیا ہے اور توقع کی جا رہی ہے کہ آنے والے چند دنوں میں یہ سہولت تمام صارفین کو حاصل ہو جائے گی۔
کوئی تبصرے نہیں:
ایک تبصرہ شائع کریں