لاہور (خبریں) ٹریفک پولیس کے مطابق قوانین کی خلاف ورزی پر ڈرائیونگ لائسنس پنچ کرنے کا فیصلہ کیا گیا ہے۔ 8 مرتبہ ٹریفک قوانین کی خلاف ورزی کرنے والوں کے ڈرائیونگ لائسنس منسوخ کردیئے جائیں گے۔ اپنے دفتر میں ایس پی صدر اور ایس پی سٹی سمیت تمام ڈی ایس پی صاحبان سے میٹنگ کے بعد پریس کانفرنس کرتے ہوئے سی ٹی او طیب حفیظ چیمہ نے کہا کم عمر ڈرائیورز کے خلاف یکم ستمبر سے مہم کا آغاز کیا جائے گا جس میں بلاتفریق کارروائی کی جائے گی۔ انہوں نے کہا لاہور پولیس چالان سسٹم کو جدید خطوط پر استوار کررہی ہے جس کیلئے چالان کے دوران کارڈ پر پنچ کرکے نشان بنا دیا جائے گا اور زیادہ قوانین کی خلاف ورزی کرنے والے کا لائسنس بھی منسوخ کرکے کم ازکم ایک سال تک اسے چیک لسٹ میں رکھا جائے گا۔ سی ٹی او طیب حفیظ چیمہ نے بتایا کہ ٹریفک پولیس نے چالان فیس میں اضافہ کیلئے حکومت سے درخواست کی ہے جس میں چالان فیس میں 20 فیصد اضافہ کیا جائے گا۔
کوئی تبصرے نہیں:
ایک تبصرہ شائع کریں