اگر آپ کے گھر میں موجود عام ٹی وی کو ٹچ سکرین اینڈرائیڈ فون بنا دیا جائے، جس سے آپ ٹی وی کی بڑی سکرین پر اینڈرائیڈ فون کی طرح گیمز کھیل سکیں اوراینڈرائیڈ کے دیگر فیچرز سے لطف اندوز ہو سکیں تو آپ کیسا محسوس کریں گے؟ آپ یقیناًسوچ رہے ہوں گے کہ ایسا کہاں ممکن۔ لیکن اب ایسا ممکن ہو گیا ہے
(Touchjet Wave)
ٹچ جیٹ ویو:بنانے والوں نے ایک ایسی ڈیوائس ایجاد کرنے کا دعویٰ کیا ہے جو آپ کے عام ٹی وی کو بھی ٹچ سکرین میں بدل دے گی اور اس میں اینڈرائیڈ کے تمام فیچرز لے آئے گی۔ یہ حیران کن ڈیوائس ایک کلپ کی شکل میں ٹی وی کے اوپر لگائی جاتی ہے جس سے ٹی وی مکمل اینڈرائیڈ آپریٹنگ سسٹم سے مزین ٹچ سکرین ٹی وی بن جاتا ہے۔
یہ ڈیوائس نہ صرف آپ کے عام ٹی وی کو ٹچ سکرین بناتی ہے بلکہ اسے ٹی وی کے ساتھ لگانے کے بعد آپ کو سٹریمنگ باکس یا سمارٹ ٹی وی کی ضرورت نہیں رہتی کیونکہ یہ ڈیوائس بذات خود ٹی وی انٹرٹینمنٹ حب(TV entertainment hub) کی حیثیت رکھتی ہے۔ اس کے ذریعے آپ براہِ راست انٹرنیٹ سے فلمیں دیکھ سکتے ہیں یا گانے سن سکتے ہیں۔ اس ڈیوائس کے ذریعے ٹی وی کو موبائل فون سے بھی منسلک کیا جا سکتا ہے جس سے آپ ٹی وی سے دور بیٹھ کر موبائل فون کے ذریعے ٹی وی پر گیمز کھیل سکتے ہیں اور ویڈیوز دیکھ سکتے ہیں۔
یوں سمجھئے کہ آپ ٹی وی کے جتنا بڑا اینڈرائیڈ موبائل فون گھر لے آئے ہیں۔ ڈیوائس میکرز نے فی الحال ابتدائی طور پر یہ ڈیوائس تیار کی ہے۔انہوں نے ایک آن لائن فنڈ ریزنگ ویب سائٹ کے ذریعے 95ہزار ڈالر(تقریباً95لاکھ روپے)اکٹھے کرنے کا اعلان کیا ہے تاکہ اس ڈیوائس کو بڑے پیمانے پر تیار کیا جا سکے۔
کوئی تبصرے نہیں:
ایک تبصرہ شائع کریں