گجرات (دنیا نیوز)گجرات میں پولیس اور حساس اداروں نے مشترکہ کارروائی کرتے ہوئے کالعدم تنظیم کے دو دہشتگرد گرفتار کرلیے جبکہ اسلحے سے بھری گاڑی بھی برآمد کرلی گئی۔ ڈی پی او گجرات رائے ضمیر الحق نے پریس کانفرنس کرتے ہوئے بتایا کہ شاہین چوک کے قریب گجرات پولیس اور حساس اداروں نے ناکہ لگا کر مزدا ماڈل 3500 سندھ نمبر JY-0317 کو روک کر اس سے 40 مختلف اقسام کی رائفلیں ، 50 پسٹل ،4 کلاشنکوفیں ، ڈیڑھ لاکھ سے زائد گولیاں قبضہ میں لے لیں۔ پولیس کے مطابق گرفتار ہونیوالے ملزمان گل منیر ، محمد جمیل کوہاٹ کے رہائشی ہیں جن کا تعلق کالعدم تنظیم تحریک طالبان سے بتایا جاتا ہے جنہیں گرفتار کر کے گجرات کو بڑی تباہی سے بچا لیا گیا ہے۔ دہشت گرد پکڑا جانیوالا اسلحہ گجرات ، گوجرانوالہ ڈویثرن کے مختلف اضلاع میں دہشت گردی کی وارداتوں میں استعمال کرنے کے لئے سپلائی کرنا چاہتے تھے۔
کوئی تبصرے نہیں:
ایک تبصرہ شائع کریں