بیلوبیری کا سرکہ ڈیمینشیا کو بھگانے میں مددگار

جنوبی کوریا: (نیوزڈسک) اب تازہ احوال یہ ہے کہ بلیوبیری کا سرکہ پینے یا اسے سلاد پر چھڑک کر کھانے سے دماغی خلیات (نیورونز) سرگرم ہوتے ہیں اور اس کا مستقل استعمال ڈیمینشیا سمیت کئی دماغی عارضوں کو روکتا ہے۔

ایک نئی تحقیق کے مطابق بلیو بیری کا سرکہ بننے کے عمل میں ایک خاص مرکب پیدا ہوتا ہے جو دماغ کےلیے ایک بہترین ٹانک کا درجہ رکھتا ہے۔

جنوبی کوریا میں واقع کونکوک یونیورسٹی کے سائنس دانوں نے تحقیق کے بعد کہا ہے کہ بلیو بیری کا سرکہ اعصابی خلیات کو قوت دیتا ہے اور دماغ میں ایک ایسا پروٹین بڑھاتا ہے جو ڈیمینشیا میں تیزی سے ختم ہونے لگتا ہے۔

اس وقت دنیا بھر میں ڈیمینشیا کے 5 کروڑ سے زائد مریض ہیں اور یہ تعداد ہر 20 سال میں دگنی ہوجاتی ہے۔

اب تک اس کا کوئی باقاعدہ علاج نہیں مل سکا البتہ دواؤں سے صرف اس بیماری کی پیش رفت سست کی جاسکتی ہے۔ ریسرچ جرنل ’’ایگریکلچر اینڈ فوڈ کیمسٹری‘‘ میں شائع ہونے والی اس تحقیق میں چوہوں کو جب بلیو بیری کا یہ سرکہ دیا گیا تو ان کے دماغ میں ایک کیمیکل ’’ایسیٹائل کولائن‘‘ کی ٹوٹ پھوٹ بہت حد تک رک گئی جو ڈیمینشیا اور دیگر دماغی امراض کی وجہ بنتی ہے۔

ماہرین کا خیال ہے کہ ایسیٹائل کولِان دماغی خلیات کو تندرست رکھتا ہے اور یہ کیمیکل دماغی خلیات میں سگنل کو ممکن بناتا ہے۔

ڈیمینشیا کا مرض اسی کیمیکل کو نشانہ بناتا ہے۔

قبل ازیں کئی مطالعات سے یہ بات سامنے آچکی ہے کہ بلیو بیری کا باقاعدہ استعمال نہ صرف یادداشت کو اچھا رکھتا ہے بلکہ نوعمر طلبا و طالبات کےلیے یہ ایک مفید دماغی ٹانک بھی ہے۔

تصویر پوسٹ ہونے پر خبردار کرنے والا سافٹ ویئر

لندن:(نیوز ڈسک)اس ضمن میں چہرہ شناسی (فیشل ریکگنیشن) کےتین طاقتور الگورتھمز پہلے ہی پیش کیے جاچکے ہیں جن میں سے ایک خراب بصارت والے افراد کو بتائے گا کہ تصویر میں کیا کیا اشیا موجود ہیں۔

دوسرے آپشن میں اگرکوئی آپ کی پروفائل تصویر چراتا ہے یا اس پر کمنٹ کرتا ہے تو فیس بک آپ کو اس سے آگاہ کرے گا۔

ان میں سب سے اہم الگورتھم مصنوعی ذہانت استعمال کرتے ہوئے نوٹ کرتا ہے کہ جب کوئی آپ کی اپنی تصویر فیس بک پر کہیں بھی اپ لوڈ کرے تو وہ اس کی اطلاع آپ تک پہنچائے گا خواہ آپ کو ٹیگ کے ذریعے آگاہ کیا گیا ہو یا نہ کیا گیا ہو۔

ان میں سے پہلی سہولت بہت اچھی ہے جس کے ذریعے متاثرہ بینائی والے افراد بھی تصویر کے احوال سے واقف ہوسکیں گے جبکہ دوسرے آپشن کے ذریعے جعلی اکاؤنٹس اور لوگوں کو بدنام کرنے کی کوشش کا تدارک ہوگا۔

تیسرا آپشن آپ کی پرائیویسی برقرار رکھتے ہوئے آپ کی اجازت کے بغیر کہیں بھی تصویر کے استعمال کی حوصلہ شکنی کے گا۔

اس فیچر سے خواتین کا بہت بھلا ہوگا جن کی تصاویر سوشل میڈیا پر گردش کرتی رہتی ہیں۔

اس سے کئی فوائد حاصل ہوں گے اور فیس بک کے پورے پلیٹ فارم پر شفافیت میں اضافہ ہوگا۔

دوسری جانب اس سے پرائیویسی کو بہتر بنانے میں بھی مدد ملے گی۔

پاکستانی خواتین میں تمباکو نوشی کے رجحان بڑهنے لگا

لاہور:(نامہ نگار)پاکستان میں مردوں کے ساتھ ساتھ اب خواتین میں بھی تمباکو نوشی کا رجحان بڑھ رہا ہے۔

ایک سروے کے مطابق پاکستان میں ہر سال تقریبا ایک ٹن سے زائد تمباکو فروخت ہوتا ہے جس کی وجہ سے پاکستان میں ہر سال تمباکو نوشی سے ہزاروں افراد ابدی نیند سوجاتے ہیں۔

اس رجحان میں اضافے کی ایک وجہ یہ بھی ہے کہ تمباکو نوشی کے خلاف اشتہاری مہمات کی کمی اور حکومت کی عدم توجہ ہیں جس کی وجہ سے نوجوان لڑکوں کے ساتھ ساتھ لڑکیاں بھی اس جان لیوا نشے میں مبتلا ہوتی جا رہی ہیں۔

غیر ملکی سروے میں بتایا گیا ہے کہ نوجوان لڑکیوں میں سگریٹ نوشی کے تیزی سے بڑھتے ہوئے رجحان کا ایک سبب یہ بھی ہے کہ سگریٹ نوشی کو خواتین نے اسٹیٹس سمبل سمجھ لیا ہے اور ان کے خیال میں سگریٹ نوشی سے ان کا امیج بارعب خاتون کے طور پر نظر آتا ہے حالانکہ ایسا نہیں ہے۔

سگریٹ پینے والی لڑکیوں اور خواتین کی اکثریت اس غلط فہمی کا بھی شکار ہوتی ہے کہ وہ سگریٹ نوشی نہیں کریں گی تو انہیں ماڈرن لیڈی کے طور پر تسلیم نہیں کیا جائے یا اگر وہ ایسا نہیں کریں گی تو ماڈرن سوسائٹی انہیں قبول نہیں کرے گی۔

پیٹرول7 روپے فی لیٹر مہنگا ہونے کا امکان

 کراچی:(نیوز ڈسک) عالمی سطح پر تیل کے نرخ بڑھنے کے سبب ملک میں پیٹرول 7 روپے فی لیٹر مہنگا ہونے کا امکان ہے۔ 

تفصیلات کے مطابق گزشتہ 20 روز سے عالمی مارکیٹ میں تیل کی قیمت مسلسل بڑھ رہی ہے جب کہ انٹربینک مارکیٹ میں ڈالر کی قدر میں اضافے سے روپے کی قدر نیچے آئی ہے۔

تاہم عالمی مارکیٹ اور انٹر بینک مارکیٹ کی صورتحال کے پیش نظر ملک میں آئندہ ماہ کے لیے پیٹرول کی قیمت میں7 روپے فی لیٹر اضافے کا خدشہ ہے۔

انڈسٹری ذرائع کے مطابق ڈیزل کی قیمت میں 5 روپے فی لیٹر اور مٹی کے تیل کی قیمت میں 6 روپے فی لیٹر اضافہ ہوسکتا ہے۔

اس صورتحال کے پیش نظر حکومت کے لیے تیل کی قیمت بڑھانا ناگزیر ہوگیا ہے تاہم اس حوالے سے ابھی حتمی فیصلہ حکومت نے ہی کرنا ہے۔

واضح رہے کہ حکومت نے گزشتہ ماہ بھی پیٹرول کی قیمت میں 2 روپے 49 پیسے اور ڈیزل کی قیمت میں 5 روپے 19 پیسے اضافہ کیا تھا۔

مچهلی کے تیل کے حیرت انگیز فوائد

مچھلی کے تیل کے حیرت انگیز فائدے ہیں اور یہ انسان کو بہت سی خطرناک بیماریوں سے محفوظ رکھتا ہے۔ نہ صرف اسکا تیل سانس کی بیماری کم کرنے میں معاون ثابت ہوتا ہے بلکہ اسکے استعمال سے دمے کے مریضوں کو بھی کافی فائدہ پہنچتا ہے اور ان کے مرض کی شدت کم ہوتی ہے اور آپ نے مچھلیوں کے تیل کی گولیاں کے بارے میں تو سنا ہوگا۔ اسکے بہت سے جادوئی فائدے بھی ہیں جوکہ ذیل میں بیان کیے گئے ہیں۔

دل کے امراض سے تحفظ

دل سے متعلق امریکی تحقیقی ادارے نے لکھا ہے اومیگا تھری مچھلیوں میں وافر مقدار میں پایا جاتا ہے اور اومیگا تھری دل کے لئے بھی کافی مفید ہے کیونکہ دل کے شریانوں میں پیدا ہونے والے امراض سے تحفظ فراہم کرتا ہے۔ لہذا دل کے امراض کو کم کرنے کیلئے عام طور پر مچھلی کو ہفتے میں دو مرتبہ کھانے کا کہا جاتا ہے یا پھر کہا جاتا ہے کہ وہ مچھلی کی تیل کی گولیاں اومیگا تھری فیسڈ ایسڈ کی گولیاں کھائیں۔

قوت مدافعت میں اضافہ

مچھلی کا تیل عام طورپر چھوٹی موٹی بیماریوں مثال کے طور پر نزلہ، کھانسی، زکام سے بھی بچاتا ہے کیونکہ اس کے کھانے سے قوت مدافعت مضبوط ہوتی ہے۔

وزن کم کرنے میں معاون

مچھلی کا تیل وزن کم کرنے میں بھی بہت معاون ہوتا ہے اور ایک تحقیق میں یہ بات بھی منظر عام پر آئی ہے کہ ورزش کے ساتھ اگر مچھلی کا تیل بھی استعمال کیا جائے تو یہ وزن میں کافی مدد کرتا ہے۔

گٹھیا کے مرض میں فائدے مند

مچھلی کا تیل گٹھیا کے مرض میں بھی کافی مفید ہے ۔ تحقیق کے دوران جب یہ تیل گٹھیا کے مرض کا شکار سوروں کو دیا گیا تو اس سے ان کو پچاس فیصد فائدہ پہنچا۔