ﺍﺏ ﺟُﻨﻮﮞ ﻣﯿﮟ ﻣﺮﯼ ﺍﯾﺴﯽ ﮐﻮﺋﯽ ﺗﺼﻮﯾﺮ ﺑﮭﯽ ﮨﻮ
ﮨﺘﮭﮑﮍﯼ ﮨﺎﺗﮫ ﻣﯿﮟ ﮨﻮ ، ﭘﺎؤﮞ ﻣﯿﮟ ﺯﻧﺠﯿﺮ ﺑﮭﯽ ﮨﻮ
ﻣﯿﮟ ﻧﮯ ﺩﯾﮑﮭﺎ ﮨﮯ ﺍُﻧﮩﯿﮟ ﺍﭘﻨﯽ ﻃﺮﻑ ﺑﮍﮬﺘﮯ ﮨﻮئے
ﮐﺎﺵ ، ﺟﻮ ﺧﻮﺍﺏ ﮨﮯ ، ﺍُﺱ ﮐﯽ ﻭﮨﯽ ﺗﻌﺒﯿﺮ ﺑﮭﯽ ﮨﻮ
ﺻﺮﻑ ﺗﻘﺪﯾﺮ ﭘﮧ ﺍﻧﺴﺎﻥ ﺑﮭﺮﻭﺳﮧ ﻧﮧ ﮐﺮﮮ
ﺣُﺴﻦِ ﻧﯿﺖ ﺑﮭﯽ ﮨﻮ ، ﮐﻮﺷﺶ ﺑﮭﯽ ﮨﻮ ، ﺗﺪﺑﯿﺮ ﺑﮭﯽ ﮨﻮ
ﺟﻮ ﮐﮩﺎ ﺗﻢ ﻧﮯ ﻭﮦ ﺗﻘﺪﯾﺮ ﮐﺎ ﻟﮑﮭﺎ نکلا
ﻣﯿﮟ ﺗﻮ ﮐﮩﺘﺎ ﮨﻮﮞ ﮐﮧ ﺗﻢ ﻭﺍﻗﻒِ ﺗﻘﺪﯾﺮ ﺑﮭﯽ ﮨﻮ
ﻣﺠﮫ ﺳﮯ ﻭﮦ ﮐﮩﺘﮯ ﮨﯿﮟ ﺍﺏ ﺗﺠﮫ ﮐﻮ ﻧﮧ ﺑﯿﭩﮭﮯ ﺩﯾﮑﮭﻮﮞ
ﺩُﻭﺭ ﮨﻮ ﺩﺭ ﺳﮯ ﻣﺮﮮ ، ﺑﮭﺎﮒ ﺑﮭﯽ ﺟﺎ ، ﺗِﯿﺮ ﺑﮭﯽ ﮨﻮ
ﯾﮧ ﺟﻮ ﺻﻮﺭﺕ ﮨﻮ ، ﺗﻮ ﮐﭽﮫ ﻓﺮﻕ ﮐﯽ ﺑﺎﺗﯿﮟ ﻧﮑﻠﯿﮟ
ﺳﺎﻣﻨﮯ ﺁﭖ ﺑﮭﯽ ﮨﻮﮞ ، ﺁﭖ ﮐﯽ ﺗﺼﻮﯾﺮ ﺑﮭﯽ ﮨﻮ
ﺟﺐ ﮐﮩﯿﮟ ﺟﺎ ﮐﮯ ﮐﻮﺋﯽ ﺗﺎﺝ ﻣﺤﻞ ﺑﻨﺘﺎ ﮨﮯ
ﺷﻮﻕِ ﺗﻌﻤﯿﺮ ﺑﮭﯽ ﮨﻮ ، ﻗﺪﺭﺕِ ﺗﻌﻤﯿﺮ ﺑﮭﯽ ﮨﻮ
ﺁﻧﮯ ﺟﺎﻧﮯ ﮐﯽ ﮨﻤﯿﮟ ﺿﺪ ﮨﮯ ﻧﮧ ﺍﻧﮑﺎﺭ ، ﻣﮕﺮ
ﺍُﻥ ﮐﯽ ﻣﺤﻔﻞ ﻣﯿﮟ ﮐﺴﯽ ﮐﯽ ﮐﻮﺋﯽ ﺗﻮﻗﯿﺮ ﺑﮭﯽ ﮨﻮ
ﺁﭖ ﮐﯿﺎ ﺻﺮﻑ ﮐﻤﺎﮞ ﮐﮭﯿﻨﭻ ﮐﮯ ﺍِﺗﺮﺍﺗﮯ ﮨﯿﮟ
ﻟُﻄﻒ ﺗﻮ ﺟﺐ ﮨﮯ ﮐﮧ ﭼﻠّﮯ ﻣﯿﮟ ﮐﻮﺋﯽ ﺗِﯿﺮ ﺑﮭﯽ ﮨﻮ
ﺍﯾﺴﯽ ﺻﻮﺭﺕ ﻣﯿﮟ ﻧﮩﯿﮟ ﺗﺮﮎِ ﺗﻌﻠﻖ ﻣﻤﮑﻦ
ﺗﻢ ﻣﺮﯼ ﺭُﻭﺡ ﺑﮭﯽ ﮨﻮ ، ﺗﻢ ﻣﺮﯼ ﺗﻘﺪﯾﺮ ﺑﮭﯽ ﮨﻮ
ﮨﻢ ﺳﺰﺍﻭﺍﺭِ ﺟﻔﺎ ﻋﺸﻖ ﻣﯿﮟ ﮨﺮ ﺩﻡ ﮨﯿﮟ ﻧﺼﯿﺮؔ !
ﯾﮧ ﺿﺮﻭﺭﯼ ﺗﻮ ﻧﮩﯿﮟ ﮨﮯ ، ﮐﻮﺋﯽ ﺗﻘﺼﯿﺮ ﺑﮭﯽ ﮨﻮ
کلام حضرت الشیخ سید پیر نصیر الدین نصیر جیلانی رحمتہ اللّٰه تعالی علیہ گولڑہ شریف
کوئی تبصرے نہیں:
ایک تبصرہ شائع کریں